( د پکتیکا ویب پا ڼې دبحث مو ضوع ( ببرک کا رمل او حا مد کرزی ستا سو په تله کې  

: تو پیرو نه او ورته والی

…………………….. 

درنو هیوادوالو! د پکتيکا د برېښنا پاڼې پوښتنه ډېره په زړه پورې ده، خو د کارمل او کرزي پرتله کول به ستونڅمن کار وي. کارمل په افغانستان کې وروسته د روسانو له يرغله واکمن شو، چې په هغه موده کې افغانستان ليا نه ؤ وېجاړ  شوی او نسبی اداری سیستم په هيواد کې جوړ ؤ، خو د افغانستان واک په ټولوبرخو کې د روسانو د مشاورينو په سپارښت تر سره کيده. د کارمل په ۶  کلنه واکمني کې تر ۱ ميليون زياد خلک ووژل شول او ډېر پردېس شول.

کرزی د امريکايانو له تيري سره سم افغانستان کې د امريکايانو په زور واکمن شو، خو کرزی په يو ټوټې ټوټې هيواد کې واک ته ورسول شو، چې ټول هيواد په ايتنيکي، ديني، مذهبي، سياسي او نورو ټولنيزو برخو کې وېشل شوی دئ، مګر د امريکايانو يرغل ته ملګرو ملتونو شين چراغ ولګاوه او په افغانستان يې صليبي يرغل ته قانوني بڼه ورکړه. په وروستيو ۱۰ کلونو کې په افغانستان کې تر ۵۰ ميليارډو ډېر ډالر لګول شوي، خو هيڅ عامالمنفعه کار نه دئ تر سره شوی. د دغو ميليارډونو لګښتونو سربيره افغانستان يو بې وزلی، غريب او بې ادارې ملک ګڼل کيږي او د هيواد وګړي په فساد، دروغ او بې مسؤليتي کې لاهو دي. وروستيو ۱۰ کلونو کې کرزي ونشوای کولی چې هیواد کې سمه اداره رامنځ ته کړي، مګر هيواد يې غلو ته سپارلی او راتلونکې د خلکو او هيواد ناڅرګنده ده، بايد ووايم چې د کرزي د بې کفايتي او د پښتنو د بې اتفاقي له کبله افغانستان اوسمهال د نوي ناورين په درشل کې دئ او لوېديزوال يې د تجزيې رمباړې وهي. د افغانانو بری په يووالي، صداقت او د هيواد د خپلواکي مبارزه ده. بری مو نصيب شه.  ډاکتر لمر 

دلته خپل نظر ورکړئ