( الحاج استاذ بیانزی )
بسم الله الرحمن الرحیم
په رښتیا هم د سعودی ، سیمی او نړی د اوسنی حالاتو د کتنی او څیړنی له مخی د سعودی راتلونکی دوره د وسوسو ډکه ښکاری چه د هر ډول منفی او یامثبت بدلونونو د راتګ امکانات پکی احساسیږی ، سعودی د ټولو مسلمانانو د تمرکز اوتجمع ځای دی د اسلام اخرنی پیغمبر هلته مبعوث شوی او حرمین هلته شتون لری الله ج دی پکی مثبت بدلونونه رامنځته کړی.
د معلوماتو له مخی سعودی کی د د سلفیانو ډله چه د شاهی کورنی سره د کوم ډول پټ یا ښکاره ، د یو بل د حمایه کولو یا سپورټولو ژمنی لری اوس ویشل شوی دی ، یوه ډله یی هغه ژمنو ته وفاداره نه اوهغه ژمنی د اسلامی نظام د استحکام د پاره بی ګټی ګڼی او په دهران کی د امریکا د نظامی بیس څخه کرکه لری نو د امریکا هم ورته پام دی او د القاعدی پوری یی تړلی ګڼی دا چه مبارزه یی مرموزه او د زمکی لاندی ده امریکا او یا شاهی کورنی نه پوهیږی چه څرنګه یی تشخیص او له منځه ویسی چه له شره یی امریکا او د سعودی شاهی کورنی بی غمه شی.
د سلفیانودوهمه ډله یی د سعودی حکومت سره همنوایی او یو د پل په ګټو کار کوی ، امریکا د نړی په هر ګوټ کی استتخبارات لری تر دی چه د هر ملک خپل استخبارات په خپل ملک کی دومره دقیق معلومات نه لری لکه څومره چه د امریکا استخبارات په هغه ملک کی پوره او دقیق معلومات او استخباراتی حاکمیت لری تر دی چه په ډیرو ملکونو کی د هغه ملک په خوښه او یا نا خوښه شخصی زندانونه او د بندیانو د هر ډول شکنجو د پاره ځایونه لری دهمدی امله په ډیرو ملکونو کی د خپلی خوښی حکومتونو ساتنه کوی او یا د دوی نا خوښه رژیمونو ته مشکلات ایجادولی شی .
د سعودی شاهی کورنی سربیره پردی چه د لویدیز سره نزدی اړیکی لری ، شاهی کورنی د ډیرو ورونو په لرلو یی حکومت قوی او با ثباته وو ، د معلوماتو له مخی یی ژوندی پاتی ورونه دوه یا دری اوهغه هم له ۷۰ کلنی اوښتی دی ، ډیر راتولونکی نسل یی غرب مشربه او له اسلامی پوهی ناخبره د ی.
د سلطنت د لاسته راوړلو د پاره ځینی به د ځینو نورو سره ایتلافونه او اتجاد ونه کوی ، دا کار به داخلی جنګونه او کودتاګانی رامنځته کړی ، دا به د حوادثو د محراق پیله وی له یوی خوا به امریکا کوشش کوی چه له وخت څخه ګټه پورته کړی ( که امریکا پوه شی چه شاهی کورنی نوره په هغه موقف کی نه ده چه د دوی ګټی په سیمه او سعودی کی خوندی وساتی نو بیا لکه د ایران د شاهنشاه په شان، په لیری کولو کی به یی د رقیبانو سره مرسته هم وکړی ).
د امریکا د پاره چه څه اهمیت لری چه سعودی کی اسلامی نظام رامنځته نه شی ، یعنی د حکومت ضد سلفی ډله او یا اخوان المسلمین سیاسی قدرت تر لاسه نه کړی ، نو ددی دپاره چه د هغو مخه یی نیولی وی اول خو به د شاهی کورنی د نوی نسل منځ کی د کوم مبتکر او دیکتاتور شاهزاده په لټه کی وی چه په قدرت کی یی پاتی وساتی کوم چه له امکانه لیری خبره ده
که د امریکا ډ پاره د شهزاده پیدا کیده ممکنه نه وی نو دوهم ابشن به څه وی؟ ، زه هم نه پوهیږم . مګرپه دی پوهیږم که چیری د امریکا ضد اسلامی نظام رامنځته شی ، امریکا به د ایران د افراطی شیعه ګانو په واسطه د سنیانو او شیعه ګانو جنګ ته لمن ووهی او د اسراییلو په مرسته به د سعودی اسلامی نظام له منځه یوسی او یا به یی کمزوری کړی ،په دی جنګ کی به د مصر او ترکی حکومتونه به سعودی کی د راتلونکی اسلامی نظام په پلوی بی تفاوته پاتی نه شی .دا زما د سعودی د راتلونکی برخه لیک په هکله د هغه ځای د حالاتو له مخی کتنه ، څیړنه او ارزونه وه
خو دومره ویلی شم چه دسعودی بدلون به د اسلامی نړی او یا ټولی نړی په ثبات او بدلون ډیر زیات مثبت او یا منفی اغیزه ولری مونږ به دعا کوو چه په سعود ی کی د اسلام او مسلمانانو په ګټه بدلو ن رامنځته شی ، د انسانی ژوند ډیری اخری شیبی راته معلومیږی ، الله دی زمونږ څحه د اسلام په لیا رکی کارواخلی ، مونږ د دی ژوند د ازموینی په اخرو دورو کی یو ، الله ج دی په مونږ رحم وکرم ولری.
Follow