هارون حکیمی
هیله مي قربان ستاتر کسات کړله
اخ تنده مي څرنګه میرات کړله
زه به تاته څنګه سترګي وشیندم
ماچي دي لبریز جامونه مات کړله
های زه تر مچۍ په حساب کم راغلم
ما ګلان خزان کړل، هغې شات کړله
دا عجیبه سوال دی! ته هغه یې چي
چغه دي پر کور د سومنات کړله؟
موږ ته پاني پت اوس قسمت سوی دی
دې د ناکامیو دور زبات کړله
یون به مو په نره تر تاریخه ځي
بیاکه مو رنګین فصلونه زیات کړله
نن هارون د توري پر یادګار راغلم
زده مي ځني دا څو کلمات کړله.
۲۰۱۳/۰۳/۰۳ پاني پت، هندوستان
Follow